Песня:

К сожалению, оригинального текста пока нет

Tu si’ stato ‘nu suonno ‘e ‘na vita
e mo, mo ca io t’aggio avuto
nun sto campanno
Tu nun tiene carezze
Tu nun sai ched’è ‘o ‘bbene
‘a tristezza che «mme daje senza capì
è nu sciummo ‘e veleno
ca nun fernesce maje

Tu spuntave int’ ‘e suonne
comm ‘o sole
ma je mo nun sento calore
me sto gelanno !
Si’ ‘o «ccuntrario ‘e ‘ll’ammore
nun te cure ‘e nisciune,
‘o dulore che me daje senza capì
è ‘na lacrema amara
ca nun s’asciutta maje
Je facevo ‘nu suonno
che parlava ‘e ‘na stella,
chella sola stella c’aggio amato
e tu ‘ca nun si’ chella
Ma pecchè me scetato?

Chistu core che è sincero va truvanno ‘nu paraggio,
Va truvanno ammore overo pe’ puterse dichiarà,
‘Na figliola ca sapesse fà ‘a cazetta sulamente
E ll’ammore po’ ll’avesse canusciuto ‘nmano a me!

Ma stu munno, ma stu munno quant’è tunno,
Sano sano, sano sano aggio girato,
Sott’ e ‘ncopp’,
Prora e a poppa,
Maje nisciuno, maje nisciuno aggio truvato!
Sulo tu, sulo tu, Nannì Nannì,
Pare chella, pare chella ch’ dic’i’,
Sulo tu, Nannì Nannì,
Pare chella, pare chella ch’ dic’i’!

II
‘Na figliola retirata ch’ nun sape ched è ‘a moda,
Ca nun porta ‘na mappata ‘e capille ‘e chi sa chi
E nun porta veste strette pe’ ffà specchio a ‘e cannarute,
Voglio a una ca se mette dint»a casa a ffà ‘o rraù!

Ma stu munno, ma stu munno quant’è tunno,
Sano sano, sano sano aggio girato,
Sott’ e ‘ncopp’,
Prora e a poppa,
Maje nisciuno, maje nisciuno aggio truvato!
Mo’ ch’ vuò, mo’ ch’ vuò, Nannì Nannì,
Pare chella, pare chella ch’ dic’i’,
Sulo tu, Nannì Nannì,
Pare chella, pare chella ch’ dic’i’!

III
Sulo tu p»a sora mia pare ‘a femmena adattata,
Chesta vita putarria finalmente cunsulà,
Quanno dice ch’ha truvato, chistu core nun si sbaglia,
Doppo n’ata, n’ata e n’ata, sape ‘a femmena ched è!

E stu munno e stu munno quant’è è tunno,
Sano sano, sano sano aggio girato,
Sott’ e ‘ncopp’,
Prora e a poppa,
Maje nisciuno, maje nisciuno aggio truvato!

E me trovo e me trovo e te lo di’
Ch’ sì chella, ch’ sì chella ch’ dic’i’,
E me trovo a te Nannì
Ch’ sì chella, ch’ sì chella che dic’i’!

Si’ comm’a nu sciurillo,
tu tiene na vucchella
nu poco, pucurillo,
appassuliatella.
Méh, dammillo, dammillo,
è comm’a na rusella,
dammillo nu vasillo,
dammillo, Cannetella.

Dammillo
e pigliatillo
nu vaso piccerillo.
Nu vaso piccerillo
comm’a chesta vucchella
ca’ pare na rusella,
nu poco, pucurillo,
appassuliatella.

Si, tu tiene na vucchella
nu poco, pucurillo,
appassuliatella.

Там за оградой живёт девушка,
Среди шипов роз стоит её дом,
На листве спит она ночью,
И прекрасней нет розы той.

Fore mura ce sta na picciotta,
‘mmiez’ê spine s’ha fatto na casa…
‘ncopp»e ffronne s’addorme la notte…
e na rosa cchiù bella nun c’è…

Duorme, Carmè’:
‘o cchiù bello d»a vita è ‘o ddurmí…
Sònnate a me:
‘mparaviso cu tico vogl’í!…

Ogne sera ca torna â campagna,
va cantanno na bella canzone…
Essa dice ca ‘o core se lagna…
Stu dulore ‘o capisco sul’i’!

Canta, Carmè’:
tantu bella è ‘sta voce a sentí…
Canta pe’ me,
ca tu ‘ncielo mme faje saglí!

Nu vasciello venette ‘a luntano,
e pusaje a Surriento na Fata…
‘ncopp»o scoglio addó’ sta Tramuntano…
‘mparaviso stu sito nun c’è…

Viene, Carmè’…
T’arricuorde?…’Sta Fata tu si’…
Torna cu me:
‘ncopp»o scoglio vulimmo murí…

Ogge stó tanto allero
ca quase quase mme mettesse a chiagnere
pe’ ‘sta felicitá.
Ma è overo o nun è overo
ca só turnato a Napule?
Ma è overo ca stó ccá?
‘O treno steva ancora ‘int»a stazione
quanno aggio ‘ntiso ‘e primme manduline.

‘Sta casa piccerella,
‘sta casarella mia ‘ncoppo Pusilleco,
luntano, chi t’ ‘a dà?
‘Sta casa puverella,
tutt’addurosa ‘anèpeta1,
se putarrìa pittà.,
‘A cca ‘nu ciardeniello sempe ‘nfiore
e de rimpetto ‘o mare, sulo ‘o mare.

Chist’è ‘o paese d»o sole,
…………………..

Tutto, tutto è destino!
Comme putevo fá furtuna a ll’estero
s’io voglio campá ccá?
Mettite ‘nfrisco ‘o vino!
Tanto ne voglio vévere,
ca mm’aggi»a ‘mbriacá.
Dint’a sti qquatto mure io stó cuntento,
mamma mme sta vicino e nénna canta:

Chist’è ‘o paese d»o sole,
…………………..

Nun me chiammáte chiù ronna Sabbella
chiammáteme Sabbella sventurata.

Aggio perduto trentatré castella
a chiana Puglia e la Basilicata.

Aggio perduto la Salierno bella
lu strázio re la risgraziata

Na sera me mbarcáie mbarcuscella
e la matina me truváie legata.

Jesce jesce sole
scajenta ‘Mperatore
scanniello mio d’argento
che vale quattuciento,
ciento cinquanta
tutta la notte canta
canta Viola
lo masto de scola
O masto, o masto
mannancienne priesto
ca scenne masto Tiesto
co lanze e co spate,
da l’aucielle accumpagnato.
Sona sona zampugnella
ca t’attacca la vunnella
la vunnella de scarlato
si nun sona te rompo lo capo

nun chiovere, nun chiovere
ca aggia ire a movere
a movere lu grano
de masto Giuliano
Masto Giuliano
manname na lanza
ca aggia iere in Franza
da Franza a Lombardia
dove sta madama Lucia

Jesce sole, Jesce sole
nun te fa cchiù suspira’
Siente mai ca li ffigliole
hanno tanto da pria’

Stu vico niro nun fernesce maje
e pure ‘o sole passa e se ne fuje.
Ma tu stai llà, addurosa preta ‘e stella,
Carmela, Carmè.

Tu chiagne sulo si nisciuno vede
e strille sulo si nisciuno sente,
ma nun’ è acqua ‘o sanghe dint’ ‘e vvene,
Carmela, Carmè.

Si ll’ ammore è ‘o cuntrario d’ ‘a morte,
e tu ‘o ssaje.
Si dimane è surtanto speranza,
e tu ‘o ssaje.

Nun me può fà aspettà fin’ a dimane,
astrigneme ‘int’ ‘e braccia pe’ stasera,
Carmela, Carmè.

Jettaje stu core mio ‘mmiez’a la strata
e ‘ncopp’a na muntagna mme ne jette
e, pe’ na passiona disperata,
monaco ‘e San Francisco mme facette.

«Tuppe tuppe» Chi è? «Ccá ce stess’uno
ca ll’è caduto ‘o core ‘mmiez’â via?»
Bella figlió’, ccà nun ce sta nisciuno
va’, jatevenne cu Giesù e Maria.

Se ne jette cantanno: «Ammore, ammore»,
cchiù nun te vò’ zi’ monaco vicino.
E p’ ‘a muntagna se purtaje stu core,
arravugliato dint’ ‘o mantesino.

O tempo bono, e chi me t’a levato,
que non te tengo più como solea?
O tempo chiaro, ecomo si’ turbato,
che fai fortuna da chi bonanza avea?

O dolçe tempo, e como m’ai lassato
intrare sença vista e sença via?
Felice tempo, tu te nde si’ andato
mo luce ad altro la lenterna mia.

Marzo: nu poco chiove
e n’atu ppoco stracqua…
Torna a chiovere, schiove…
ride ‘o sole cu ll’acqua.

Mo nu cielo celeste,
mo n’aria cupa e nera…
Mo, do vierno, ‘e ttempeste,
mo, n’aria ‘e primmavera…

N’auciello freddigliuso,
aspetta ch’esce ‘o sole…
‘Ncoppo tturreno ‘nfuso,
suspirano ‘e vviole…

Catarí’, che vuó’ cchiù?
‘Ntiénneme core mio:
Marzo, tu ‘o ssaje, si’ tu…
e st’auciello, songh’io.

Tu m’aje prommiso quatto moccatora
oje moccatora, oje moccatora!
Io sò benute se, io so benuto
se me lo vuò dare,
me lo vuò dare

E si no quatto embé, dammene ddoje
oje moccatora, oje moccatora!
Chillo ch’è ‘ncuollo a tte nn’ò robba toja
me lo vuò dare
me lo vuò dare

A core a core cu Raziella mia,
stava assettato a chillu pizzo llá:
Lu patre asceva, e schitto nc’era ‘a zia
ma, zittu zitto, se potéa parlá!
La zia filava e poco nce senteva
ca, pe’ lu suonno, la capa lle pennéa…
io la manella de nenna mia pigliava
che non voléa, ma se facéa vasá…

II
Essa cantava co chella bella voce,
lu mandolino io mme mettéa a soná…
Essa dicéa, cantanno doce doce:
«Aniello mio, io sempe t’aggi»a amá!»
La zia filava e poco nce senteva
e, pe’ lo suonno, la capa lle pennéa,
ma, si â ‘ntrasatta, essa maje se scetava…
lu locco, subbeto, io mme metteva a fá!

III
Ma chillu tiempo comme priesto è passato!
Darría lo sango pe’ fárelo torná…
Tanno ero alliéro…e mo só’ sbenturato…
schitto d’arraggio e chianto aggi»a campá!
Raziella mia, Raziella mme ‘ngannava
mentre d’occhiate e squase mm’abbottava.
Ahi! Disperato tanto mme só’ arredutto,
che o moro acciso o mm’aggi»a vennecá!

Correno multi cani ad una cazia
Quillo la piglia chi e stanca la trova
Lu braccho ca nun cerca per la trazia
Quanto più corre tanto mino jova

L’ucello che da multi se discazia
Al ultimo alli riti se retrova
Correno multi cani ad una cazia
Quillo la piglia chi e stanca la trova

Mme voglio fá na casa ‘mmiez’ô mare,
mme voglio fá na casa ‘mmiez’ô mare,
fravecata de penne de pavune,
fravecata de penne de pavune.
Trállala….

D’argiento e d’oro voglio fá li ggrare,
d’argiento e d’oro voglio fá li ggrare
e de prete preziose li balcune,
e de prete preziose li balcune.
Trállala….

Quanno nennella mia se va a affacciare,
quanno nennella mia se va a affacciare
ognuno dice, ognuno dice:
«Mo sponta lu sole».
Trállala….

Pecché quanno me vide
te ‘ngrife comm’ ‘a gatto?
Nenne’ che t’aggio fatto
ca no mme puo’ vedé?
Io t’ ‘aggio amato tanto,
si t’amo tu lo saie

Te voglio bene assaie
e tu nun pienze a me.

‘Nzomma songh’io lo fauzo?
Appila sié’ maesta,
ca ll’arta toja è chesta.
Lo dico ‘mmeretà.
Io jastemmà vorrìa
lo juorno ca t’amaje.